धन-धन भवानि त्यरी कुटमदारी, सैरी दुन्या पुजदि त्यरी कुटमदारी।
दुनिया सि न्यारि त्यरी कुटमदारी, दुनिया सि प्यारि त्यरी कुटमदारी।
माथा को सुहाग तेरो कैलासू कु जोगी , सर्पु कि जु माळा लांद भांगला कु भोगी।
बल्द की सवारि माटु खारु पैरी, दग्छ कू बिणास त्यरै बाना करी।
जुगराजि रैयाँ तुमारी य जोड़ी।
ठुलु लाड़ीक कातकु भी यनू ज्ञानि ध्यानी , बाल बर्मचारि छयो साधु बणी गैनी।
रागसु कू बैरि मोर की सवारी, आठ पैरा जपदु जै नारैण हरी।
जुगराजि रैयाँ त्यरी कुटमदारी।
लाडलो सपूत त्येरो खोळी को गणेश, मुसा की सवारि जैको हाथि छ शीश।
रिद्धि अर सिद्धि सुलगछणी ब्वारी, थकदि नि दिन - रात त्यरी स्यवा करी।
जुगराजि रैयाँ यनी सासु ब्वारी।
कोई टिप्पणी नहीं:
एक टिप्पणी भेजें