https://youtu.be/hTps8_DGeXsॐ ऐं ह्रीँ क्लीं चामुण्डाये विच्चै।
लग्छमी बणदी भग्यानू तैं , दलेद्र बणदी पापी कू। सीधा सादू की सुबुद्धी ,सरधा सच्चा मनख्यों मूं।
भला कुल मा लाज बणदी , पाळदी बल सबु तैं जू।वीं देबी तैं स्यवा हमारी ,बारम्बार नमो नमो।ॐ...
जू देबी जुग जगत मा ,माया बणि क फैलीं छ,जू देबी हर ज्यूँदा मा,चेतन चोळा बणि रैंदी,
जू देबी सबि मनख्यों म, बुद्धि बणि क रैंदी छ, जू देबी सबि आंख्यों म ,निंदरा बणि क औंदी च
जू देबी खाली पेट,भूक लगी पित्तौंदी छ,जू देबी काया दगड़ा, छैलु बणि क चल्दी छ,
जू देबी भड़ बीरू म, शक्ती बणि क लड़दी च,जू देबी निरपाणयों तैं,तीस बणि सतौँदी छ
जू देबी बलवानू मा,छिमा बणी क सजदी च,जू देबी कुल-गोतरू तैं,बंगस बणी सरौणी च
जू देबी सुख का दगड़ा,शाँति बणि क औंदी छ,जू देबी सबि भगतौं म,सरधा बणि क रैंदी च
जू देबी द्यो-द्यब्तों म,कळा बणी जस देणी च,जू देबी चँचळ मन म याद भास बणि रैंदी
जू देबी भला मनख्यों म, दया बणी परगट होंदि,जू देबी भलि धियाणि म संतोष बणि रैदी च
जू देबी हर बाळा तैं,ब्वै बणी क जलमौंदी जू देबी सबु का मन मा,भरम-बैम बणि रैंदी
जू देबी सबि भगतौं की, बिबता हरी सुफल देंदी,जू देबी यीं स्यवा सणी,कन्दूड़ बणि क सुनणी च
वीं देबी तैं स्यवा हमारी ,बारम्बार नमो नमो। ॐ...
कोई टिप्पणी नहीं:
एक टिप्पणी भेजें