मंगलवार, 3 अप्रैल 2018

Shiv Ki Pyari Goura Bhagani | New Uttarakhandi Bhakti Song | Rakesh chan...



शिब की प्यारी , गौरा भग्यानी ,कैलासू बटि ऐजा
खुद लगणी च, तेरि लठ्याली , ऐंसु तु मैतू ऐजा।
डांडु का बाटा , यखुलि नि ऐई , शिबजी सणे भी दगड़ा म लेई।
कोळी मा गणेशु ली ऐजा हां ,
सनक्वाळी ही, बाट लगी जै , ब्याखुनि दाँ पौंछी जा।
मिठा चमच्यूड़ा त्वैकु बणौला, शिबजी सणे भी चिलम पिलौला।
गणेशु खैल्यो अरसा हां ,
त्यरी दिदि -भुली भी, सबि छन औणी ,गैल्याण्यूँ भेंटी जा।
तु त बल सैरा जगत कि ब्वैई , सैरु जमानू पुजदू त्वेई / सब त्यरी रैईत की परजा माई।
पर मैत्यूँ बिसरी ना हाँ,
नौ दिनु रैली , फिर चलि जैली, नौरात्योँ मा ऐजा।

कोई टिप्पणी नहीं:

एक टिप्पणी भेजें